Sarvangasana Kaise Kare Fayde in Hindi

Sarvangasana Yoga Kaise Kare: Aaj ham aapko ek aur behtareen yoga ke bare me batane ja rahe hai, yah yoga bhi Pavanamuktasana ki tarah sharir ke liye bahut hi faydemand hai. Is yoga ko karna bahut hi aasan hai. Sarvangasana ka matlab hai Sarva ang aur aasan. Jaisa ki naam se show ho rha hai yah aasan hamar pure sharir ke ango ka vyayam karne me helpful hai. Isase pure sharir ke parts ka exercise hota hai. Isliye yah aasan kai fayde se bharpur hai. Ise Shoulder stand pose ke naam se bhi jana jata hai. Aaiye jante hai Kaise aap Sarvangasana Yoga ko Step by Step Start kare aur kis tarah ke rogo se yah aapko fayda deta hai. 

Sarvangasana Steps and Benefits in Hindi
Sarvangasana Steps and Benefits in Hindi

Sarvangasana Steps in Hindi 

Yoga ke har ek aasan me sehat ko thik rakhne aur jivan ko lamba banae ka achuk rahasya chhipa hua hai. Sarvangasana sharir ke liye ek pura vyayam hai. Ise karna thoda muskil hai but rojana karne se sab kuchh aasan ho jata hai.

Step 1: Is aasan ka abhyas saaf hawadar jagaho par kare.

Step 2: Sabse pahle aap ek chatai ya dari ko bichakar peeth ke bal let jaye.

Step 3: Iske baad dono pairo ko milakar aur pure sharir ko seedha tan kar rakhe.

Step 4: Ab saans andar lekar dheere-dheere pairo ko upar uthaye.

Step 5:  Process karte time pairo ko seedha rakhe. iske liye pahle pairo ko uppar uthaye, fir kamar ko upar uthaye, fir chhati tak ke bhag ko uppar utha le.

Step 6: Iske baad apne dono hatho ko kohni se modkar kamar par lagakar kamar ko thamkar rakhe. Aasan ki is position me pure sharir ka bhar kandho par rahna chahiye.

loading...

Step 7: Is position me kandhe se kohni tak ke bhag ko fursh se satakar rakhe aur thodi ko chhati me satakar rakhe.

Step 8: Ab pairo ko tankar uppar ki or khichkar rakhe.

Step 9: Iske baad sharir ko Stable karte huye es position me 30 second tak rahe aur normal roop se saans lete aur chhodte rahe. dheere dheere is exercise ko badhakar aasan ki sthiti me 3 minute tak rah sakte hai.

Step 10: Iske baad sharir ko dheela chhodkar ghutno ko modkar dheere sharir ko hatheliyo ke sahare se normal position me le aaye.

Step 11: Iske baad 10 second tak aaram kare. aur fir se is aasan ko kare. Aap is aasan ke process ko 3 baar kar sakte ho.

Sarvangasana Exercise Se Labh –  Health Benefits 

1- Is aasan se sabhi tanav, thakawat, bechaini door ho jati hai. Is exercise ko karne se sharir me ek prakar ka rus aa jata hai jo aadmi ke budhape aane ko rokta hai.

2- Yah aasan chehre ko tej, Attractive aur sundar banata hai, aur yaaddast ko tej karta hai. Is aasan ko kane se sharir ki dhili twacha aur face ki jhurriya door hoti hai.

3- Is aasan me harmone shakti ki kriyashilta (Stirring) badh jati hai, jisase sharir me shakti aur jiwani shakti badh jati hai.

4- Thyroid granthi ko sakriya aur healthy rakhne ke liye yah aasan adhik faydemand hai.

5- Is aasan ko karne se charm rog nhi hota hai, kyunki is aasan se raktdosh door ho jata hai. Isase purane kabj, gale ka rog aur jigar ke sabhi rog door ho jate hai. Sath hi pachan kriya achi ho jati hai.

6-  Yah aasan sharir ko shuddh karta hai aur shair me se adhik charbi ko kam kar motapa ko door karta hai. Yah chehre ke keel-muhaso aur daag dhabbo ko mitata hai, Virya ki safety karta hai.

7-  Yah aasan andkosh ke kam vikas ko viksit karta hai. Is aasan ka purush ke saman mahilao ki dimb-granthiyo par bhi effect padhta hai. Jisase mahilao ka motapa aur banjhpan door ho jata hai.

 

8- Is aasan ko karne se prajanan ango, kamendriyo aur haddiyo ka vikas hota hai. Mahilao ka masik dharm kast se aan, masik dharm ki aniyamata, prameh, baajhpan, khun ki kami, aur yonag dosh door hote hai. Yah aasan mahilao me garbhashay ke rog ko door karne ke liye bhi labhkari hai.

Savdhaniya – सावधानियां

Sarvangasana yoga karna chahte hai to pahle savdhaniya bhi jaroori hai.

Sarvangasana karte time sir ko uthane ki koshish na kare.

Ghutno ko mode nhi.

Thyroid ke ati vikaswale, khun kamjor heart wale aur atyadhik charbiwale logo ko kisi trainer ki salah lekar hi Sarvangasana karna chahiye.

Mahilaye masik dharm ke time is exercise ko na kare.

Peeth dard, kamar dard, aankho me problem, High blood presser ke rogi is aasan ko na kare.

loading...