Paschimottanasana Steps And Benefits in Hindi

Paschimottanasana Kya Hai? Paschim matlab peeche ka bhag. Peeth me khichav aat hai isliye ise Paschimottanasana kahte hai. Is aasan se sharir ki sabhi manspeshiyo par khichaw padhta hai. Paschimottanasana aasan ko aawashyak aasano me se ek mana gya hai. Is word ko sanskrit se liya gya hai. Is aasan me merudand lachila banta hai. Jisase kundlini jagran se labh hota hai. Yah aasan aadhyatmik drishti se adhik important hai.

Paschimottanasana Merudand ke sabhi vikar jaise Peeth Dard, yakrit rog, tilli, aato ke rog aur gurde ke rogo ko door kart hai. Iske exercise se sharir ki charbi kam hoti hai aur motapan door hota hai. Aaiye jante hai iske kayi aur labh aur kaise is yoga ko kare. Paschimottanasana Yoga Benefits in Hindi

Paschimottanasana Kaise kare

Step 1: Sabse pahle kisi aur samtal zameen par dari ya koi kapda bicha le aur seedhe let jaye.

Step 2: Letate time dono pairo ko aapas me pasaspar mila kar rakhe aur apne sharir ko seedha rakhe.

Step 3: Ab apne dono hatho ko sar ke peeche ki or le jaye.

Step 4: Ab apne dono hatho ko zameen se uppar ki or uthate huye teji se kamar ke uppar ke hisse ko bhi zameen se utha le.

Step 5: Ab apne dono hatho ko dheere-dheere apne pairo ki taraf laye aur dono pairo ke angutho ko pakde. Jab ye process ho rahi ho tab apne dono pairo aur hatho ko seedha rakhe.

Step 6: Pahli bar mai agar angutha na pakad paye to yha tak apne hatho ko le ja sake wha tak le jaye. Baad me dheere dheere duri ko kam karte huye hatho se pairo ke anguthe ko pakadne ki koshish kare. Jab aap is process ko karne me success ho jaye to uske baad dono hatho ke beech se sir ko neeche karke apni naak ko dheere-dheere ghutne me lagane ka prayas kare. Angutha pakadne ki position me 10-12 second tak rahe.

Step 7: Iske baad anguthe ko chhodkar hatho ko pairo ke uppar rakhte huye dheere-dheere peeche ki or khinch le. Is kram me dono hatho se dono pairo ko chhute huye rakhe. Is prakar yah kriya 1 bar puri hone ke baad 10 second tak aaram kare aur dobara is process ko dohraye is tarah yah aasan 3 bar hi kare. Is aasan ko karte time saans normal roop se le aur chhode.

Paschimottanasana Karte Time Savdhani

1. Is aasan ko aap khali pet hi kare.

2. Is aasan ko jhatke ke sath kabhi na kare.

3. Jinke pet alsar ki shikayat ho unhe yah aasan nhi karna chahiye.

4. Aant me sujan ya opendisaits wale rogiyo ko yah aasan nhi karna chahiye.

5. Is aasan ko shuruwati position me hatho se anguthe ko chhune aur naak se ghutno ko chhune me pareshani aa sakti hai. So iske liye jaldbaji ya jagardasti na kare.

6. Jinke kamar me takleef ya reedh ki haddi me pareshani ho wo is yoga ka abhyas nhi kare.

Paschimottanasana Ke Fayde ya Labh

Is aasan se sharir ki wayu thik roop se kaam karti hai aur aadhyatamik unnati hoti hai.

Jis vyakti ko gussa adhik aata ho use is aasan se bahut fayda hota hai.

Yah aasan safed balo ko kam karke unhe kale aur ghane banata hai.

yah aasan virya dosh ko door karta hai aur kabj ko door kar mal ko saaf karta hai.

Is aasan ko karne se bonapan door hota hai.

Isase pure sharir me blood ka bahav sahi roop se hota hai. Jisase sharir ki kamjori door hokar sharir furtila aur healthy rahta hai.

Pet ki charbi ko kam karta hai aur nitambo ka motapa door kar sudaul banata hai.

Iske abhyas se gurde ki pathri, bahumutra door hota hai.

Yah exercise bawaseer etc ke rogo me bhi bahut labhkari hai.

Comments (0)

Leave a Reply

Your email address will not be published. Required fields are marked *