Naukasana Steps and Benefits in Hindi

Naukasana matalab Nav (boat) wala yoga. Naukasana yoga aasan ko ek naav ki aakrit me kiya jata hai, isliye ise naukasana kahte hai. Naukasana karte waqt aapke kamar, hips, pair, pet aur merudand sabhi ango ka use hota hai, Isliye is yoga mudra ke exercise se in sabhi parts ka exercise ache se hota hai. Result me aapke ye parts bahut majboot aur comfortable hote hai. Is yoga ke adbhut fayde hai. Yah pet ki charbi ko kam karne me kafi effective hai. Yah hamare pachan tantra ko healthy rakhta hai aur sath sath sir se lekar pair ki ungli tak ko fayda pahuchata hai. Aaiye jante hai Naukasana Kaise Kare aur Naukasana ke fayde kya hai?

Naukasana Kaise Kare Iske Fayde Labh
Naukasana Kaise Kare Iske Fayde Labh

Naukasana Steps in Hindi

Dekhne me yah Yoga aapko behad aasan lagega lekin ise sahi tarike se bahut kam hi log kar pate hai. Aaiye jane kaise kare Naukasana Yoga ko easy aur best steps me.

Step 1: Naukasana start karne se pahle aap kisi samtal jagah par chatai bichakar swasan ki mudra me baith jaye.

Step 2: Iske baad aap apne aidi aur panjo ko milaye aur apne hath kamar se sata kar rakhe.

Step 3: Iske baad aapko hatheliyo ko zameen par aur gardan ko seedha rakhna hai.

Step 4: Ab apne dono pair, gardan aur hatho ko dheere-2 ek sath uppar ki or uthaye.

Step 5: Aakhri me apne pure sharir ka vajan nitambo ke uppar kar de.

Step 6: Is mudra me aap 30-40 second ruke rahe.

Step 7: Ab dheere-dheere wapas usi position me aakar swasan ki position me let jaye.

Step 8: Is aasan ko aap 5-6 baar kar sakte hai.

Naukasana Benefits in Hindi

1- Is yoga ko karne se sahrir sudaul banata hai.

2- Sharir ke ango me santulan banane ke liye Naukasana bahut faydemand hai.

3- Reedh ki haddi seedhi aur majboot banata hai.

4- Jin logo ko need bahut jyada aati hai un logo ke liye Naukasana Yoga bahut hi helpful hai.

5- Is aasan ka abhyas karne se pet ki manspeshiya santulit hoti hai jisase pachan tantra sudhrta hai.

6- JO log apne kandho aur kamar ki charbi ko ghatana chahte hai unke liye yah vyayam bahut hi faydemand hai.

7- Isase pahcan kriya, choti-badi aant me labh milta hai aur harniya rog me bhi bahut asardar hota hai.

8- Naukasana karne se dhyan aur aatmabal badhta hai.

9- Is aasan se aadhyatamil labh bhi milta hai. Is aasan ko karte waqt Isht Dev ke mantro ko jup karne se twarit labh milta hai.

10- Is aasan me anguthe se ungliyo tak ka khichav hota hai. Jisase shudhh blood teji se hamare sharir me pravah karta hai aur sharir nirogi banta hai.

Naukasana Me Savdhaniya

Yadi koi vyakti anindra aur heart se related rog se pidit hai to use is yoga ka abhyas nhi karna chahiye.

Sharir ke pichle bhag me kisi tarah ki takleef ya fir pet me kisi tarah ki pareshani ho tab bhi aapko is yoga ko nhi karna chahiye.

Comments (0)

Leave a Reply

Your email address will not be published. Required fields are marked *