Muh Ke Chaale Ka Gharelu Upay Home Remedies for Mouth Ulcers

Muh Ke Chaale Ke upay: Muh ke chhale chhote hote hai but dard bahut dete hai. Muh me chhalo ke karan na sahi tarah se khana kha pate hai aur na hi baat kar pate hai. Normally ye chhale sharir me postikta ki kami ke karan hote hai. Lekin kabhi-kabhi kharab life style ya khan-paan me gadbadi ke karan bhi muh me chhala padne ki problem aa jati hai. Waise to doctor ilaj ke roop me multi Vitamin dete hai jisase chhale dheere-dheere thik hone lagte hai but dard se jaldi rahat pane ke liye gharelu nuskho ko bhi ajmaya ja sakta hai. 

muh-ke-chaale-ka-gharelu-upay-karan-lakshan-aur-upchar
Home Remedies for Mouth Ulcers in Hindi

Muh Ke Chaale Ka Karan

Darasal muh ke chhale hona ek aam problem hai, kai bar bhojan me gadbadi ya teekha bhojan karne se jeebh par, hontho par aur andar chhale ho jate hai jo aam taur par 7 din me thik bhi ho jate hai. Kabhi-kabhi chhale lambe time tak thik nhi hote jo bhojan karte aur bolte time takleef dete hai. Kai baar gambheer ho jane par unse khoon bhi nikalta hai. Aise me doctor se iski jaanch jaroor karani chahiye, kyunki ye ghatak bhi ho sakte hai. ye hai main karan muh ke chhale hone ka-

 

 

  • Adhik masaledar bhojan karne se.
  • jyada garm bhojan aur pey padartho ka sevan.
  • daanto ki thik tarah se safai na karne se.
  • adhik acid wale bhojan karna
  • sharir me Vitamin B aur Iron ki matra normal na hona.
  • Elergy karne wale bhojan karne se.

Kabhi kabhi halke-fulke bukhar ke sath bhi chhale ho jate hai, wahi kuchh mahilao me mahavari aane se pahle ye ho jate hai. Tanav ke karan bhi chhale ho sakte hai. chhalo ka karan dato ki problem se bhi juda ho sakta hai. kisi daant ka tej kinara, brush karte huye ya dencher pahante aur utarte time bane jakhm bhi chhale ban pareshani paida kar sakte hai.

Muh Ke Chalo Ka Gharelu Upay

  • Shahad me mulhathi ka churn milakar iska lap muh ke chhalo par kare aur laar ko muh se bahar tapakne de.
  • Chhale hone par kathha aur mulhathi ka churn aur shahad milakar muh ke chhalo par lagana chahiye.
  • Amrood ke mulayam patto me kathha milakar paan ki tarah chabane se muh ke chhale se rahat milti hai aur chhale thik ho jate hai.
  • Amaltas ki fali majja ko dhaniye ke sath peeskar thoda kathha milakar muh me rakhiye. Ya keval amaltas ke gude ko muh me rakhne se muh ke chhale door ho jate hai.
  • ek gilas kunkune pani me adha chamach namak milaye aur use dheere-dheere muh me chalaye. Is kriya ko din me 3 se 4 bar dohraye. Isase thodi jalan aur dard to jaroor ho sakta hai lekin chhale jald thik ho jate hai.
  • muh me chhale hone par adusha ke 2-3 patoo ko chabakar unka rus chusna chahiye.
  • chhale hone par kattha aur mulhathi ka churn aur shahad milakr muh ke chhalo par lagane chahiye.
  • Sukhe paan ke patte bana lijiye, is churn ko shahad me milakar chatiye, isase muh ke chhale khatm ho jayenge.
  • Paan ke patto ka rus nikalkar, deshi ghee me milakar chhalo par lagane se fayda milta hai, aur chhale khatm ho jate hai.
  • Mehandi aur fitkari ka churn banakar chhalo par lagaye, isase muh ke chhale khatm ho jate hai.
  • Chhanchh se din me 3-4 baar kulla karne se muh ke chhale thik ho jate hai.
  • Khana khane ke baad gud chusne se chhalo se rahat milti hai.
  • Muh ke chhale hone par chameli ke patto ko chabaiye. Isase chhale samapt ho jate hai.
  • Nimbu ke rus me shahad milakr isake kulle karne se muh ke chhale door hote hai.
  • Mashroom ko sukhakar barik churn tyar kar lijiye, is churn ko chhalo par laga dijiye. Muh ke chhale thik ho jayenge.
  • Jyada se jyada matra me pani ka sevan kare, Isase pet saaf hoga aur muh ke chhale nhi honge.

Agar aapke muh me baar-baar chhale ho rahe hai to apne muh ki safai par vishesh dhyan de. Jyadatar masaledar aur heavy bhojan karne se bache. Agar fir bhi chhale thik na ho rahe ho to jald Doctors se salah aur upchar jaroor le.

Example HTML page

loading...