Dhanurasana Steps And Benefits in Hindi

Aaj ke time me puri dunia motape se pareshan hai. Agar aap bina gym jaye pet ki charbi ko ghatana chahte hai to aapko Yoga ke steps me Dhanurasana karna bahut jaroori hai. Dhanurasana se hamare body ko bahut fayde hote hai. Dhanu ka arth hota hai Dhanush, is aasan me dhanusakar shape banai jati hai. Isme hatho ka use sir, dhad aur tango ko uppar khichne ke liye pratyancha ki tarah kiya jata hai. Shairir ko dhanush ke saman dedha karke failane aur shair ko sashakt banane ki is process se tarunai ki prapti hoti hai. Yah aasan Pet ke bal kiye jane wale aasno me se important mana jata hai. Isase bahut se labh hai. Aaj ham aapko batane ja rahe hai Dhanurasana Kaise kare aur iske kya fayde hai.

Dhanurasana Kaise Kare, Vidhi labh aur savdhaniya
Dhanurasana Kaise Kare, Vidhi, Labh aur Savdhaniya

Dhanurasana Steps in Hindi

Is aasan ko karna bahut hi simple hai, Halaki pahle aapko is aasan ko karne se dar lagega but dheere-dheere sab aadat ho jati hai.

Step 1: Sabse pahle aap Chatai bicha kar pet ke bal let jaye. Saans ko chhodte huye dono ghutno ko ek sath mode, aidiyo ko peeth ki or badhaye aur apni baho ko peeche ki or tane fir baye hath takhne ko aur daye hath se daye takhne ko pakad le. Ab saans ko jitna rok sake roke.

Step 2: Ab saanso ko puri tarah nikal de aur zameen se ghutno ko uthate huye dono taange uppar ki or khiche aur usi time zameen par se seene ko uthaye. Baah aur hath jhuke huye dhanush ke saman sharir ko tanane me pratayncha ke saman karya karte hai.

Step 3: Ab apne sir ko uppar ki or uthaye aur yathasambhaw peeche ki or le jaye.

Step 4: Tange uppar uthate time ghutno ke paas unhe sarakne na de anyatha kafi uchai tak tange uth sakti hai. Ab tange ghutno aur takhno ko sata le.

Step 5: Is dauran saans ki gati tej hogi lekin iski chinta na karte huye yathsakti 15 second se 1 minute tak ruke aur aage-peeche, daye-baye sharir ko hila dula sakte hai.

Step 6: Ab saans chhodte huye dheere-dheere takhno ko bhi chhod de aur dono tango ko seedhi kar le, lekin yah dhyan rahe ki pahle ghutno ko zameen par rakhe fir tuddi ko zameen sparch karaye aur iske baad pairo ko chhodte huye unhe zameen tak dheere-dheere aane de. Apne kapal ko zameen par rakhkar aaram de.

Step 7: Is exercise ko aap 5 second se start kare aur rojana time ko badhate rahe jab tak ki bina kisi dabab ke 15-30 second na ho jaye.

Is aasan ko rojana khali pet jyada se jyada 3 bar kar sakte hai. Is aasan ke dauran dhyan vishudhhi chakra par focus hona chahiye.

Dhanurasana Benefits in Hindi

Agar aap Dhanurasana ko sahi tarike se karte hai to dhunurasana se bahut labh hote hai. Aaiye jante hai Dhanurasana ke kuchh important banefits in hindi.

1- Dhanurasana madhumeh ke rogiyo ke liye bahut labhdayak hota hai. Iske exercise se pankriyas uttejit hota hai aur insulin ke Secretion me help milti hai jo shugar ke santulan me helpful hai. Iske exercise se diabetes type 1, aur type 2 dono me fayda hota hai.

2-  Yah aasan vajan ko kam karne ke liye bahut hi uttam hai. Iske niyamit abhyas se pet ki charbi kam hoti hai aur aapka pet chust-durust banta hai.

3- Yah aasan asthma rogiyo ke liye bahut hi labhdayi hai. Iske abhyas se seene me acha khasa khichav aata hai aur fefdo ki chhamta ko badhata hai jo asthma rogiyo ke liye bahut jaroori hai.

4-  Kamar dard ka yah rambaan ilaj hai. Agar aap rojana exercise karte hai to hamesha ke liye kamar dard ki pareshani se nijaat mil sakti hai. Yah peeth ke ligaments, manspeshiyo aur tantrikawo me khichaw le kar aata haia ur pure spinal column me nai jaan fukta hai.

5- Dhanurasana ke abhyas se kabj aur apach ko door kiya ja sakta hai. Yah aasan sahi tarike se anjaim ke pravah me help karta hai aur pachan tantra ko majboot banata hai.

6- Dhanurasana yoga slip disk me bahut had tak rahat mil sakti hai.

7- Dhanurasana yogasan thairoid aur adhibrikk garnthiyo ko uttejit karta hai aur iske harmone ke srav me halp karta hai.

Dhanurasana me Savdhaniya

Agar aap ulcer ya peptic ulcer se effective hai to aap is aasan ko karne se bache.

Agar aapko pathri ki shikayat hai to ise na kare.

Dhanurasna unhe nhi karna chahiye jinhe jyada kamar dard ho.

Saitika se pareshan vyakti iske karne se pahle trainer se salah le.

Kolaitics se pidit vyakti ise nhi kare.

High blood pressur wale vyakti is aasan ko karne se pahle visheshagyo se paramarsh kare.

Harniya ke rogiyo ko is aasan ko karne se bachna chahiye.

Comments (0)

Leave a Reply

Your email address will not be published. Required fields are marked *