Concentration Kaise Badhaye Man Ki Ekagrata

Man Ki Ekagrata Kaise Badhaye: Chahe aap kahi bhi koi bhi kaam kar rahe ho, har jagah dhyan bhatakane wali cheej hoti hai. Isliye kaam par ekagra hona ek muskil kaam hai. Aadmi ka dimag aisa nhi hai ki wah aas-pa hone wale shorgul kolahal ko najarandaj kar sake. Mahaul me jara si bhi halchal dhya bhatkane ke liye kafi hoti hai. Agar aap apne kaam me dhyan nhi lagayenge to aapka kaam kharab ho jayega aur aapko apna result nhi mil payega.

Kabhi kabar school jane wale bache shikayat karte hai ki unka padhai me man nhi lagta ya fir we padhte-padhte so jate hai, to aise me agar unhe pata chal jaye ki ekagrata ko kaise badhana hai, to unka man padhai me laga rahega.

Halaki ekagrata ko badhana ek muskil kam hai, par yah namunkin nhi hai. Ekagrata ko badhane ke liye shahas behad jaroori hai. aaj ham aapko batane ja rahe hai kaise badhaye apni ekagrata.

concentration-power-kaise-badhaye-%e0%a4%85%e0%a4%aa%e0%a4%a8%e0%a5%87-%e0%a4%ae%e0%a4%a8-%e0%a4%95%e0%a5%80-%e0%a4%8f%e0%a4%95%e0%a4%be%e0%a4%97%e0%a5%8d%e0%a4%b0%e0%a4%a4%e0%a4%be-%e0%a4%95%e0%a5%88
Man Ki Ekagrata Kaise Increase Kare

Concentration Kaise Badhaye

1. Mahaul Ka Chunav

Aap jis mahaul me kaam karte hai, wah ekagrata ko badhane me kafi main hota hai. Aaramdayak aur attractive mahaul me kaam karte time puri tarah se ekagrata hasil ki ja sakti hai.

2. Vicharo ko Control Kare

Apne dimag me bekar ke vichar na aane de. Isase bevajah hi aapki ekagrata bhang hogi. Jab bhi man me kaam se alag vichar aaye to us par dhyan na de, aur jo kaam kar rahe hai un par puri tarah se kendrit ho jaye.

3. Time Plan Banaye

Aapko jo kaam karna hai uski list bana le. Isame santulan ke jaroori hai ki gambhir kaam ko pura time de. sath hi isme kuch pal fursat ke bhi nikale. Aisa karne se aap kaam se to santust honge hi, sath hi aapka dhyan bhi kam bhatkega.

4. Positive Rahe

Jab bhi aapko kam par dhyan kendrit karne ki jaroorat ho to hamesha apne aap se bar-bar kahe ki aap dhyan laga sakte hai, yah aapke andar ekagrata badhane me helpful sabit hoga.

5. Ekagrata Ke Liye Vyayam

Vyayam dimag aur sharirik talmel ko behatar banakar ekagrata ko wapas lata hai. Kisi kam par dhyan lagane ke liye aap Coin trick aur chair trick jaise kai exercise kar sakte hai.

6. Yoga

Yoga koi upchar nhi hai. Agar aap shanti se yoga karte hai to dimag par niyantran rakhna sikhenge, to fark saf dikhai dene lagega. Isase dheere-dheere aapki ekagrata badhegi.

7. Negative na Soch

Man me aise vichar na aane de ki aap khud ko ekagra nahi kar sakte. Isase dimag ko yah sandesh jayega ki aapme ekagrata ki kami hai. Aise me kaam par dhyan kendrit karna aur bhi muskil ho jayega.

8. Multi-tasking se bache

Mult-tasking me kabhi bhi ekagrata hasil nhi ki ja sakti , balki jitna bhi ho bhang hoti hai. Jab aapke samne kaam ka ambar hoga to aap jo kaam kar rahe hai us par dhyan nhi laga payenge.

9. Aahar aur vyayam

Ekagrata hasil karne me santulit aahar aur vyayam ki bhi aham bhumika hoti hai. Jaroori poshak tatwa ke abhav se aap me thakan aur aalasya aa sakta hai. Isliye vitamin E se bharpur badam aur fal apne aahar me shamil kare. Sath hi routine ke tahat vyayam bhi kare.

10. Kam ko Samjhe

Agar aap ko yah achi tarah se malum na ho ki aapko karna kya hai, to aise me kaam ke prati ekagra hona aur bhi muskil ho jata hai. Jab kam muskil hota hai to hamara ek aasan rasta dhundhta hai. Aise me ham ek general overview banate hai aur har kaam shuru karne se pahle ek aadharbhut awdharna aur framework karte hai.

11. Apne Peak Time Ko Pahchane

Ham sabke pas 24 hours me kuch time aisa hota hai, jab ham sabse jyada active rahte hai. Halaki yah sabke liye ek jaisa nhi hota hai. Aap aise time ka pata lagaye jab aap bilkul chust ho. Aap aise time ka istemal pechida kam ya kam ruchi wale kam ko niptane me kare.

12. Decipline Me Rahe

Aapne aap ko Decipline me rakhna kafi jaroori hota hai. Sath hi effective kaam ke liye jaroori hai ki aap usme jyada time de. Isliye chhote kam se shuruat kare aur agar aap kam aasani se dhyan nhi laga pa rahe hai to kaam ko pura time de.

13. Achi Neend Le

Apne sone ka time fix kare. Agar aap achi neend nhi le rahe hai to aap par thakawat aur aalasya havy rahega. Aise me aap kisi bhi kaam par dhyan nhi laga payege.

14. Jaroori Cheejo ki Arrangement Kare

Is baat ko fix kare ki kaam karne se pahle aapne uske liye jaroori cheejo ki vyawastha kar li hai. Isase anawashyak bhatkaw nhi hoga aur aap sthir hokar kaam kar payenge.

Example HTML page

loading...